Loading...

Jose Mourinho atimuliwa Manchester United


Klabu ya Manchester United imetangaza kuachana na kocha wake mkuu, Jose Mourinho, kuanzia leo Desemba 18, 2018 ikiwa ni siku mbili tangu alipopokea kipigo cha mabao 3-1 kutoka kwa mahasimu wao, Liverpool, Jumapili iliyopita. Klabu hiyo imesema kwamba tayari ameondoka.

Katika taarifa yake, Manchester imesema; “Klabu hii ingependa kumshukuru Jose kwa kazi yake kipindi ambacho amekuwepo Manchester United na inamtakia kila la heri siku za usoni. Meneja mpya wa muda atateuliwa kuongoza klabu hiyo hadi mwisho wa msimu, huku ikiendelea na mchakato wa kumtafuta meneja mpya wa kudumu”.

Mourinho amekuwa na mwendelezo wa matokeo mabovu klabuni hapo kwa msimu huu ambapo mpaka sasa anashika nafasi ya 6 kwenye EPL akiwa amecheza mechi 17, ameshinda 7, droo 5, kufungwa 5 na pointi 26.

Desemba 17, 2015 alifukuzwa Chelsea, Desemba 18, 2018 ameachana na Manchester United.

Msuguano kati ya Mourinho na Naibu Mwenyekiti Mtendaji wa Man U, Ed Woodward, inasemekana pia umesababisha kuvunjika kwa mkataba huo baada ya uongozi wa klabu kushindwa kusajili beki wa kati kwenye msimu wa majira ya joto.

Ugomvi mwingine ulikuwa kati ya Mourinho na Paul Pogba ambao ulisababisha kocha huyo kumvua nafasi ya naibu nahodha kabla ya mechi yao ya Kombe la Carabao ambapo walichezea kichapo kutoka kwa Derby County kisha kurushiana maneno wakati wakiwa kwenye mazoezi.
Jose Mourinho atimuliwa Manchester United Jose Mourinho atimuliwa Manchester United Reviewed by Zero Degree on 12/18/2018 11:20:00 AM Rating: 5

Powered by Blogger.