Juventus kumng'oa Rashford Old Traford?

Juventus wameripotiwa kuwa na nia ya kumhamishia Marcus Rashford Ligi Kuu ya Italia.

Mshambuliaji huyo wa Manchester United ni miongoni mwa nyota ambao wako kwenye kiwango cha juu saizi barani Ulaya na ni mchezaji anayetegemewa na klabu. Wakongwe hao wa Italia wanaaminika kuwa miongoni mwa vilabu ambavyo vimevutiwa na mwenendo wake wa sasa na hata kutaka kumshawishi nyota huyo ajiunge nao mapema iwezekanavyo.

Kiwango cha Rashford kwa siku za hivi karibuni hakikua cha kutisha sana akiwa na Mashetani Wekundu lakini ana uwezo wa kufika hatua za kulinganishwa na moja ya mashujaa wa zamani wa united. Nyota huyo mwenye umri wa miaka 21 alipewa nafasi ya kuanza na kikosi cha kwanza na aliyekuwa meneja wa klabu hiyo Mholanzi Louis van Gaal na tangu hapo amekuwa kiungo muhimu katika mfumo wa United.

Mkataba wake wa sasa unaisha mwaka 2020 ingawa klabu yake inaweza kumpa ofa ya mkataba mwingine wa mwaka mmoja au miwili kama itahitajika. Jose Mourinho hana historia nzuri ya kuwa na ukaribu na wachezaji wachanga lakini hali imeonekana kuwa tofauti kwa raia huyu wa Uingereza.

Pengine, meneja huyo angeweza kumtumia zaidi katikati lakini Rashford tayari ameshaonyesha ishara zinazoleta faraja, ambazo zinaweza kuiongezea nguvu United msimu huu unaoonekana kuwa mgumu kwao.

Juventus haitarajiwi kutoa ofa kubwa sana kwa ajili ya nyota huyo lakini vigogo hao wa Italia wameripotiwa kuwa kwenye maandalizi ya kumsajili Mwingereza huyo.