Tetesi za soka barani Ulaya Jumatano Tarehe 7 Novemba, 2017

Danny Welbeck

Crystal Palace itajaribu kutoa ofa ya pauni milioni 10 ili kumnasa mshambuliaji wa Arsenal, Danny Welbeck wakati wa sikukuu za mwaka mpya.

Klabu ya Watford inavutiwa na beki wa timu ya taifa ya Iran, Milad Mohammadi.

Eddie Howe analenga kumsajili chipukizi wa klabu ya Manchester City, Lukas Nmecha. (Sun)

Awali Wayne Rooney aliomba mechi ya maandalizi ya kombe la dunia kati ya Uingereza na Nigeria katika dimba la Wembley.

Leicester hawatacheza mziki maalum wa kusherehekea ushindi ikitokea kama watafunga goli dhidi ya Burnley Jumamosi kwenye mchezo wao wa kwanza kwenye uwanja wao wa King Power tangu kufariki kwa aliyekuwa mwenyekiti wao Vichai Srivaddhanaprabha. (Times)

Ruben Loftus-Cheek

West Ham huenda wakashindwa kumsajili kiungo wa klabu ya Chelsea, Ruben Loftus-Cheek kwa mkataba wa mkopo mwezi Januari. (Star)

Meneja wa klabu ya Rangers, Steven Gerrard ataungwa mkono tena kwenye usajili wa mwezi Januari, huku klabu yake ikiwa na matumaini ya kusajili karibu wachezaji wapya wanne. (Express)

Manchester City wanatafuta nafasi ya kuweza kumsajili mshambuliajia wa klabu ya Lille, Nicolas Pepe, 23.

Mchezaji anawaniwa na Manchester United pamoja na Manchester City, Leon Bailey, anasema alikataa ofa ya Bayer Leverkusen kwa sababu hakuona haraka ya kufanya maamuzi. (Manchester Evening News)

Manchester City wameanza kujisogeza taratibu kwa beki wa klabu ya Crystal Palace, Aaron Wan-Bissaka.

Callum Wilson analengwa na klabu ya Chelsea baada ya kuwa na mwanzo mzuri msimu huu akiwa na Bournemouth.

Inter Milan wana hamu ya kumsajili mshambuliaji wa Manchester United, Anthony Martial, ambaye anasita kusaini mkataba mpya Old Traford.