Wabunge wawili CUF wajivua uanachama

Wabunge wawili wa chama cha CUF wametangaza kujiuzulu na kujivua uanachama wa chama hicho pamoja na nyadhifa zao zote za chama.

Wabunge hao ni Abdallah Mtolea wa Jimbo la Temeke na Katani Ahmadi wa Tandahimba ambao wameachia ngazi kwa tofauti ya saa chache wakiwa jijini Dodoma.

Mtolea ametangaza kujiuzulu mapema leo kwenye kikao cha bunge cha 8, mkutano wa 13 jijini Dodoma na kisha kutoka nje ya ukumbi huo wa bunge.

Ameeleza kuwa amefikia uamuzi huo kutokana na mgogoro unaoendelea kwenye chama chake.