Sababu ya Hazard kuukosa mchezo dhidi ya Mallorca yaelezwa

Real Madrid walikubali kichapo cha bao 1-0 dhidi ya Mallorca wikendi iliyopita, ikiwa ni mchezo wao wa kwanza kupoteza msimu huu kwenye La Liga.

Huku Barcelona wakibadilisha muonekano mbele ya vijana hao wa Zinedine Zidane na kukwea kileleni mwa ligi Jumamosi, Madrid walihitaji ushindi kurejea nafasi ya juu. lakini Mallorca walikuja na mawazo mengine na kuishangaza Madrid dakika saba kutupia shuti pekee lililolenga goli kutokea kona ya kulia ya uwanja.

Aliyekuwa nyota wa klabu ya Chelsea Eden Hazard hakujumuishwa kwenye kikosi kilichosafiri kwenda kuilabili Mallorca. Imeelezwa kuwa aliachwa nje ya kikosi hicho, ili akahudhurie hospitali kusubiri kuzaliwa kwa mtoto wake wa nne. Ripoti ya MARCA inaeleza kwamba mke wa Hazard Natacha Van Honacker alijifungua wao wa nne Jumamosi, 19 Oktoba.

Awali, nyota huyo mwenye umri wa miaka 28 alikiri kwamba bado hajaweza kuona aina yoyote ya kukosolewa, licha ya kuzomewa na mshabiki kwa kuwa na mwanzo mbaya na Los Blancos.

“Hapana, sijawa na wakati mgumu kwa wiki kadhaa hapa Madrid. Najua tunazungumza kuhusu Real kila kona, ndio maana niko hapa, lakini bado sikielewi kihispania vizuri. Sioni mapingami yoyote,” alisema.

Hazard aliungana na Dani Carvajal, Gareth Bale, Luka Modric, Toni Kroos, Lucas Vazquez, Nacho na Marco Asensio kama wachezaji muhimu walioukosa mchezo huo. Nafasi ya Mbelgiji huyo ilichukuliwa na Mfaransa Mariano Diaz, ambaye huo ndio ulikuwa mchezo wake wa kwanza msimu huu.