Tetesi za soka barani Ulaya leo Ijumaa Oktoba 18, 2019

Tottenham watalenga kumnunua mchezaji wa safu ya mashambulizi wa Real Madrid Mhispania Isco, mwenye umri wa miaka 27, kama wataamua kumuuza Eriksen ifikapo mwezi Januari (El Desmarque)

Kiungo wa kati Manchester United na Serbia Nemanja Matic, mwenye umri wa miaka 31, anawaniwa na klabu ya Inter Milan.

Mshambuliaji wa Red Bull Salzburg Erling Haaland analengwa na Manchester City. Kijana huyo Mnorway mwenye umri wa miaka 19 ni mtoto wa kiungo wa kati wa Manchester City Alf-Inge Haaland.

Liverpool ina matumaini ya kuipiku Chelsea kwa kusiani mkataba na mchezaji wa kimataifa wa vijana wadogo ya England kutoka Exeter anayecheza safu ya kati Ben Chrisene ambaye kwa sasa ana umri wa miaka 15. (Sun)

Kiungo wa kati wa Barcelona Ivan Rakitic, mwenye umri wa miaka 31, ameacha azma yake ya kuhamia Manchester United mwezi Januari kwasababu Wacroasia hawataki ahamie Manchester. (Mail)

La Liga imependekeza kwa shirikisho la soka la Uhispania kwamba shindano la El Clasico lililiyopangwa tarehe 26 Oktoba Barcelona lifanyike badala yake tarehe 7 Disemba . Tayari shirikisho hilo la mpira wa miguu limeomba kubadilisha gemu hiyo ifanyike Madrid kutokana na hofu ya ghasia za kiraia.(AS)

Liverpool wako tayari kumuuza kiungo wa kati wa England Adam Lallana, ambaye sasa ana umri wa miaka 31, mwishoni mwa msimu ikiwa atbakia kuwa mchezaji wa ziada.

Moussa Dembele, 23

Mchezaji wa safu ya mashambulizi ya klabu ya Lyon Moussa Dembele anataka kurejea katika soka la Uingereza, huku akiripotiwa kusakwa na klabu ya Everton na Manchester United. Kijana huyo mwenye umri wa miaka 23- aliyekuwa mchezaji wa zamani wa timu ya Ufaransa ya walio chini ya umri wa miaka -21 awali alichezea klabu ya Fulham. (Football Insider)

Manchester United walimtaka na kumfuatilia mchezaji wa Juventus raia wa poland na mlindalango wa zamani wa Arsenal Wojciech Szczesny, mwenye umri wa miaka 29, wakati wa msimu ujao wa soka kabla David de Gea kusaini mkataba mpya katika Old Trafford mwezi uliopita. (Goal)

Wolves wameweka dau kwa ajili ya kusaini mkataba na kiungo wa kati wa timu ya taifa ya Ivory Coast Franck Kessie mwenye umri wa miaka 22 kutoka AC Milan mwezi Januari. (La Gazzetta dello Sport)

Tottenham na Manchester United ni miongoni mwa klabu kadhaa zilizowasiliana na Borussia Monchengladbach kuhusiana na namna wanavyoweza kumpata Mswiss anayecheza safu ya kati Denis Zakaria ambaye sasa ana umri wa miaka 22. (Bild)

Christian Eriksen, 27

Kiungo wa kati wa Tottenham na Denmark Christian Eriksen, mwenye umri wa miaka 27, "si mzuri vya kutosha "kwa Bayern Munich, anasema mchezaji wa zamani wa klabu hiyo Lothar Matthaus. (Sport 1)

Mlindalango wa Liverpool Mhispania Adrian, mwenye umri wa miaka 32, anasema the Reds walimkanyaga mara mbili na kumuumiza mlindalango wa Brazil Alisson Becker, mwenye umri wa miaka 27. (Telegraph)

Watford wamekataa ombi kutoka kwa Fluminense la kuendelea kubaki na Joao Pedro nchini Brazil hadi Juni -2020. Hornets wamekubali kusiani mkataba na kijana huyo mchanga mwenye umri wa miaka 18 tu anayecheza safu ya mashambulizi Januari 1. (Watford Observer)

Winga wa klabu ya Crystal Wilfried Zaha, mwenye umri wa miaka 26, hutoa 10% ya mshahara wake kama msaada katika nchini Ivory Coast ambako ndio asili yake , ikiwa ni ni pamoja na kusaidia kituo cha yatima kinachoendeshwa na dada yake. (Mirror)