Kigogo Barca afunga mjadala kuhusu Dembele

Meneja mkuu wa kandanda wa klabu ya Barcelona, Pep Segura amesema kwamba klabu hiyo haina mpango wa kumuuza Ousmane Dembele. Dembele alijiunga na Barcelona akitokea Borussia Dortmund mwaka jana kwenye majira ya joto kwa ada ya uhamisho karibu sawa na pauni milioni 100.

Msimu huu, Dembele amekuwa na wakati mgumu akijaribu kuedana na mtindo wa Ernesto Valverde, ambao umempelekea kukosa katika michezo mingi ya Barca hivi karibuni. Hiyo imepelekea kuenea kwa tetesi zinazomhusisha na kuondoka katika klabu hiyo. Liverpool na Arsenal ni miongoni mwa vilabu vinavyovutiwa na uwezo wake na zimeripotiwa kutaka kumsajili.

Hata hivyo, Segura amesema kwamba anaamini Dembele ataendana na mtindo wa Valverde na atabaki katika klabu hiyo. Segura alisema, “Hakuna tataizo lolote na Dembele. Ndio, tulikuwa na mkutano, kama vile ilivyokuwa jana nilikutana na wawakilishi wengine watatu, lakini ni kawaida, hiyo ni sehemu ya kazi yangu.

Dembele ni mchezaji mwenye umri mdogo sana na bado haonyesha bidii kama anayoionyesha sasa kujaribu kuendana na mchezo wa Barcelona. Tumekuja kugundua kwamba ni vigumu sana kwake na hata yeye pia ameligundua hilo, lakini tunalifanyia kazi swala hilo ili kufanya mabadiliko ya hali hiyo haraka iwezekanavyo.”

Kwa sasa Dembele anajifua na timu yake ya taifa ya Ufaransa kuelekea mchezo wa kimataifa dhidi ya Uholanzi.