Tetesi za soka barani Ulaya Jumanne Tarehe 6 Novemba, 2018

Mauricio Pochettino

Mauricio Pochettino ameiambia Real Madrid kwa mara nyingine kwamba hana mpango wa kuondoka Tottenham.

Boca Juniors na River Plate zimekubaliana kucheza fainali ya Copa Libertadores bila mashabiki wa kutoka pande zote mbili.

Everton inaongoza mbio za kuwania saini ya aliyekuwa nyota wa Manchester City, Godsway Donyoh. (Sun)

Leroy Sane, 22 ameikatisha tamaa Manchester United iliyokuwa ikitafuta nafasi ya kumsajili baada ya kusema kwamba anafurahia maisha yake Manchester City.

Bernd Leno

Golikipa wa klabu ya Arsenal na Ujerumani, Bernd Leno anasema kwamba jezi namba moja ni ya lawama. (Evening Standard)

Conor McGregor amefanya majadiliano na rais wa UFC, Dana White  kuhusu kurejea dimbani kwake ulingoni. (Star)

Thorgan Hazard, ndugu wa kiungo wa kati wa Chelsea na Ubelgiji Eden Hazard anasema mchezaji huyo wa miaka 27 hawezi kuondoka Stamford Bridge kwenda Real Madrid mwezi Januari.

Mark Hughes anapigana kulinda kibaru chake katija klabu ya Southampton na anaweza kutimuliwa kama timu yake itashindwa kuifunga Watford siku ya Jumamosi. (Express)

Mshambuliaji wa klabu ya DC United, Wayne Rooney atachagua jezi namba 10, ambayo kwa sasa inatumiwa na Raheem Sterling Uingereza watakapokipiga dhidi ya Marekani kwenye mechi ya kirafiki mwezi huu. (Daily Mail)

Aliyekuwa mshambuliaji wa LA Galaxy, Zlatan Ibrahimovic huenda akarejea AC Milan kwa mkataba wa miezi sita. (Mirror)

Eric Bailly

AC Milan inalenga kumsajili beki wa Manchester United na timu ya taifa ya Ivory Coast, Eric Bailly, ambaye anaonekana kukasirishwa na ukosefu wa nafasi ya kucheza chini ya Jose Mourinho. (ESPN)