City bado haijawa tayari kutwaa taji la Ligi ya Mabingwa - Pep Guardiola

Meneja wa klabu ya Manchester City Pep Guardiola amesema kwamba timu yake bado haijawa tayari kutwaa taji la Ligi ya Mabingwa.

Vigogo hao walirejesha furaha kwa mashabiki wao baada ya kipigo cha kushitukiza dhidi ya Wolves kabla ya mapumziko ya michuano ya kimataifa. Vijana hao wa Guardiola walibuka kidedea kwa kushinda mabao 2-0 dhidi ya Crystal Palace, wakipunguza idadi ya hatua walizoachwa na vinara wa ligi Liverpool hadi alama sita.

Sasa wanasubiria kuwakabili Atlanta ya Italia kwenye Ligi ya Mabingwa, Mhispania huyo bado ana hajawa na imani ya kuwa vijana wake hao wanaweza kutwaa taji hilo lenye heshima kubwa katika mchezo wa mpira wa miguu.

“Watu wanazungumzia Ligi ya Mabingwa, kwamba ndio lengo. Bado hatujawa tayari,” alisema Guardiola, ambaye ktimu yake imeondolewa katika hatua ya robo fainali kwenye misimu miwili iliyopita ya michuano hiyo.”

“Tunatengeneza nafasi nyingi, bila mafanikio, lakini tunaweza kuimarika. Tumefunga magoli mengi kwenye misimu miwili iliyopita na sina hofu juu ya hilo, lakini inatubidi tuzidi kusonga mbele, tulifanyie kazi hilo.”