Jafo awaonya wanaogombea serikali za mitaa

Waziri Ofisi ya Rais Tawala za Mikoa na Serikali za Mitaa (TAMISEMI), Selemani Jafo, amewaonya wenye nia ya kuwania nafasi mbalimbali za uongozi katika uchaguzi wa serikali za mitaa utakaofanyika Novemba 24 2019, kujiepusha na kampeni kabla ya wakati.

Mh. Jafo ametoa tahadhari hiyo jijini Dodoma wakati akizungumza na waandishi wa habari kuhusu zoezi la kuchukua na kurejesha fomu litakaloanza Oktoba 29 hadi Novemba 4 mwaka huu.

Aidha akizungumzia zoezi la kuchukua na kurejesha fomu za kugombea nafasi za uongozi katika uchaguzi huo, Mh. Jafo amesema litafanyika kwa siku saba kuanzia Oktoba 29 hadi Novemba 4 mwaka huu.

Pia amefafanua majukumu ya wenyeviti na viongozi wanaomaliza muda wao yatakasimiwa kwa watendaji wa vitongoji vijiji na mitaa kwa mujibu wa kanuni.