Boti ya Haiti yawaka moto na kuua wahamiaji 40

Takriban wahamiaji 40 wamefariki baada ya boti waliyokuwa wakisafiria kuungua moto katika pwani ya kaskazini mwa Haiti, shirika la Umoja wa Mataifa linasema.

Shirika la Kimataifa la Uhamiaji (IOM) linasema watu wengine 41 waliokolewa na Walinzi wa Pwani ya Haiti.

Meli hiyo ilikuwa ikisafiri kutoka Cap-Haitien kwenda Visiwa vya Turks na Caicos, zaidi ya kilomita 220 (maili 137) kutoka, IOM ilisema.

Chanzo haswa cha moto huo bado hakijabainika, lakini afisa mmoja wa eneo hilo aliliambia shirika la habari la Reuters kwamba watu waliokuwa kwenye boti hiyo walikuwa wakiwasha mishumaa katika ibada ya kuomba njia salama, na kusababisha matanki yaliyojaa petroli kuwaka moto.

Waliojeruhiwa wanapokea huduma na IOM, na 11 kati yao walipelekwa katika hospitali ya karibu, shirika hilo limesema.

Makumi ya maelfu ya watu huikimbia Haiti kila mwaka, wakikimbia umaskini, uasi, sheria na ghasia za magenge nchini mwao.

Makundi hasimu yenye silaha yalichukua udhibiti wa mji mkuu, Port-au-Prince, mapema mwaka huu, na kumlazimisha Waziri Mkuu Ariel Henry kujiuzulu wiki moja kadhaa baadaye.