Conte amemtaja mbadala wa Cahill kwenye nusu fainali ya FA Cup dhidi ya Tottenham

John Terry hatakuwa ni mchezaji wa kutegemewa zaidi kwa Chelsea kuelekea mechi ya kombe la FA dhidid ya Tottenham leo jioni pale Stamford Bridge kama inavyoonekana.

Beki wa Timu ya taifa ya England, Gary Cahill atakua nje katika nusu fainali hii, hata hivyo, haijaeleweka kama John Terry atacheza, lakini bado inaonekana uwezekano ni mdogo sana kwani mbadala wa Cahill kwa Conte inaonekana ni kinda mwenye umri wa miaka 22, Nathan Ake.

Conte alisema: "Nathan anastahili kuchukua nafasi hii. Ameonyesha kiwango kikubwa. Naweza sema amefanya kazi ngumu sana, na tabia yake iko vema.

"Ake alicheza katika kila mchezo wetu dhidid ya Bournemouth, lakini alitaka kurudi kwetu kufanya kazi pamoja na kutusaidia kupigania kikombe. Ni mchezaji mzuri, tayari kwa kuwa na nafasi hii, anastahili hii nafasi na ninawamini. Sina tatizo na katika uamuzi huu.

Hata hivyo, Conte bado ameweka wazi kuwa Terry bado ni chaguo lake wa pale inapobidi, lakini nafasi kwa sasa inajazwa na David Luiz:

"Katika mfumo huu wa sasa John Terry anafaa kucheza nafasi ya katikati ya walinzi watatu wa kati, ambayo ni nafasi ya David Luiz."

"Kama ikihitajika kumpumzisha David Luiz, basi nafasi hiyo itakuwa ni ya John Terry."

"(Lakini) katika suala hili la kwanza nadhani, Ake ana sifa za kutosha kumpatia haki ya kuwa mbadala wa Gary Cahill."