Taarifa ya BMT kuhusiana na sakata la pointi 3 walizopewa Simba

Katibu Mkuu wa BMT, Mohamed Kiganja.

Bado habari maarufu za soka la bongo kwa sasa ni kuhusiana na mvutano unaoendelea baina ya club ya Simba dhidi ya shirikisho la soka Tanzania TFF, Simba wamekuwa wakiituhumu TFF kutowatendea haki kwa mambo kadhaa na kuamini kuwa TFF wanawapendelea wapinzania wao Yanga.

Simba walitangaza kufanya maandamano ya amani siku ya Jumanne ya April 25 kutoka makao makuu yao Kariakoo hadi wizara yenye dhamana ya michezo kupeleka malalamiko yao, Lakini baadae yake hiyo jana walitangaza kusitisha maandamano hayo.

kufuatia malalamiko hayo ya Simba, Baraza la Michezo Tanzania (BMT) kupitia katibu mkuu wake Mohamed Kiganja wameagiza mambo matano yafanywe na TFF na Simba.