Morata aelezea mtindo wake mpya wa ushangiliaji

Mshambuliaji wa Chelsea, Alvaro Morata

Mshambuliaji wa Chelsea, Alvaro Morata ameeleza kwamba, mtindo wake mpya wa ushangiliaji ni heshima kwa mke wake.

Ushindi wa Chelsea wa goli 4-0 dhidi ya West Brom uliwapandisha hadi nafasi ya tatu kwenye msimamo wa Ligi kufuatia kushuka kwa Tottenham Hotspurs baada ya kuchapwa goli 2-0 na Arsenal.

Alvaro Morata alifunga bao lake la tisa katika ushindi huo wa goli 4-0 dhidi ya West Brom na kushangilia kwa kuteneza alama ya ‘A’ akitumia vidole vyake.

Mtindo huo wa ushangiliaji wa bao ni mpya kutoka kwa Morata na mashabiki wa Chelsea sasa wanatambua kwamba ilikuwa ni heshima ya mkewe, Alice ambaye alifunga naye ndoa katika majira ya joto kabla ya kuhamia Chelsea.

Alvaro Morata ndiye aliyefungua ukurasa wa mabao katika mechi dhidi ya West Brom na baada ya mechi alieleza kwamba ile ilikuwa ni heshima kwa mke wake.

Kupitia ukurasa wake wa Instagram, Morata alisema: ‘‘Ninakupenda sana A siku zote.’’