Tetesi za soka barani Ulaya Jumanne Tarehe 3 Aprili, 2018

Sergio Aguero

Sergio Aguero ataukosa mchezo wa robo fainali ya Ligi ya Mabingwa dhidi ya Liverpool katika dimba la Anfield.

Meneja wa Celtic, Brendan Rodgers anataka Scott Bain asaini mkataba wa kudumu na klabu hiyo lakini anakabiliwa na ushindani kutoka Hearts na Hirbenian.

Kiungo wa Manchester United, Ander Herera anasema kuwa klabu hiyo inalenga kumaliza ligi katika nafasi ya pili, lakini jicho moja linatazama michuano ya FA Cup.

Bruno amesaini mkataba mpya katika klabu ya Brighton utakamfanya aitumikie klabu hiyo hadi mwishoni mwa msimu wa 2018/19. (SkySports)

Mkurugezni wa kandanda wa AC Milan, Massimiliano Mirabeli amewataja, Arturo Vidal na Memphis Depay kwenye orodha ya wachezaji ambao klabu hiyo ya Italia inatarajiwa kusajiliwa kwenye majira ya joto.

Javier Patore anaweza kujiunga na klabu ya Inter Milan baada ya uhamisho wake kwenda klabu kiyo akitokea Paris Saint-Germain kushindikana mwezi Januari. (Tuttosport)

  

Meneja wa Juventus, Massimiliano Allegri yuko tayari kuchukuwa nafasi ya Antonio Conte katika klabu ya Chelsea msimu ujao baada ya kukiri kuwa anataka kibarua kwenye Ligi Kuu ya Uingereza.

Wakala wa Mario Balotelli, Mino Raiola amethibitisha kwamba yuko kwenye mazungumzo na klabu za Ligi Kuu ya Uingereza na Serie A juu ya uhamisho wa mshambuliaji huyo wa Nice.

Wilfried Kanon

Everton itakabiliana na Real Betis, Villarreal pamoja na Eibar kuwania saini ya beki wa Den Haag, Wilfried Kanon.

Leicester wanajipanga kumsajili beki wa kulia wa klabu ya Porto, Ricardo Pereira kwa pauni milioni 22 kwenye majira ya kiangazi. (Sun)

Tottenham wana matumaini kuwa Mauricio Pochettino atasaini mkataba mpya wenye thamani ya pauni milioni 8.5 kwa mwaka na kuipotezea nafasi ya kuinoa Real Madrid.

West Brom itamtafuta mtu wa kuchukua nafasi ya Alan Pardew kwenye majira ya joto, huku meneja msaidizi wa Leicester, Michael Appleton na meneja wa Brentford, Dean Smith wakiwa mstari wa mbele kwenye orodha ya makocha wanaotarajiwa kuchukua kibarua hicho. (Times)

Paris Saint-Germain wanatarajiwa kufikisha kiwango mshahara wa pauni milioni 10 kwa msimu, ambacho anahitaji Toby Alderweireld baada ya mazungumzo yake na klabu ya Tottenham kugonga mwamba.

Aliyekuwa winga wa klabu ya Newcastle, Hatem Ben Arfa amethibitisha kwamba ataachana na Paris Saint-Germain mkataba wake utakapoisha kwenye majira ya joto.

Meneja wa klabu ya Bayern Munich, Jupp Heynckes amefunga milango kwa Robert Lewandowski, akisisitiza kwamba Real Madrid "haina nafasi" ya kumsajili mshambuliaji huyo. (Daily Mail)

Tamaa ya Taji la Ligi ya Mabingwa inaweza kupelekea Pep Guardiola akapanga kikosi dhaifu kwenye mchezo wa Manchester City dhidi ya United Jumamosi licha ya kuwa na nafasi ya kushinda taji la Ligi Kuu ya Uingereza katika dimba la Etihad. (Express)

Toby Alderweireld

Toby Alderweireld anahofia kuenguliwa kwenye kikosi cha Tottenham baada ya mazungumzo ya mkataba mpya kugonga mwamba.

Bristol City wanaohakika wa kuipata saini ya winga wa klabu ya Norwich, Marley Watkins kwenye majira ya joto.

Beki wa klabu ya Chelsea, Kurt Zouma anawindwa na Atletico Madrid pamoja na Sevilla. (Mirror)

Meneja wa Ostersunds, Graham Potter anapewa nafasi kubwa kuweza kumrithi Alan Pardew kama meneja mpya wa West Brom. (Star)

Tottenham wanaamini Mauricio Pochettino atasaini mkataba mpya, ambao utamfanya awe miongoni mwa mameneja wanaolipwa fedha nyingi katika Ligi Kuu ya Uingereza.

Chelsea wanakabiliwa na fidia ya pauni milioni 9.5 kama watamfukuza kazi Antonio Conte na wana wasiwasi na hatima ya wachezaji wao muhimu akiwemo, Eden Hazard na Thibaut Courtois. (Telegraph)

Hugo Lloris anaamini kuna jambo kubwa linaisubiri klabu ya Tottenham, huku klabu hiyo ikiendelea kupigania nafasi ya kushiriki Ligi ya Mabingwa msimu ujao. (Guardian)

Owen Coyle ameibuka na kuwa kinara wa wanaowania nafasi ya Alan Pardew katika klabu ya West Brom.

Tom Rogic

Kiungo wa Australia, Tom Rogic ameshauriwa kukataa mkataba mpya katika klabu yake ya Celtic na badala yake aitumia nafasi ya kushiriki Kombe la Dunia kuzivutia klabu nyingi zenye uwezo mkubwa. (Record)