Tetesi za soka barani Ulaya Ijumaa Tarehe 21 Juni, 2024

Liverpool wanavutiwa na Arda Guler, Fulham warudi mezani kwa Trevoh Chalobah, Manchester United wako tayari kumaliza harakati zao za kumnasa Jarrad Branthwaite.

Liverpool wanamfuatilia kiungo mshambuliaji wa Uturuki mwenye umri wa miaka 19 Arda Guler kutoka Real Madrid (Teamtalk)

Klabu ya Fulham wamefufua nia yao ya kumnunua beki wa Chelsea , 24, Muingereza Trevoh Chalobah. (Standard)

Manchester United itaachana na mazungumzo na Everton kwa ajili ya kumnunua mlinzi wa Uingereza Jarrad Branthwaite, mwenye umri wa miaka 21, endapo The Toffees hawatapunguza bei yao ya £70m (ESPN)

Everton wanazidi kujiamini kusalia na beki huyo wa kati msimu huu. (I Sport)

Beki wa Lille Leny Yoro, 18, anapendelea kuhamia Real Madrid badala ya Liverpool au Manchester United. (Marca)

Klabu ya West Ham wanahofia winga wa Ghana Mohammed Kudus, mwenye umri wa miaka 23, ataomba kuondoka katika klabu hiyo msimu huu wa joto. (Football Insider)

Klabu ya Aston Villa wameuliza kuhusu uwezekano wa kumsajili kwa kiungo wa kati wa Argentina Matias Soule, 21, lakini Juventus wanasema hauzwi. (Sky Sports)

Chelsea wako kwenye mazungumzo na Boca Juniors kuhusu dili la kumnunua beki wa Argentina mwenye umri wa miaka 19 Aaron Anselmino. (Athletic)

Manchester United wanajiandaa kutumia kipengele cha kuachiliwa kwa pauni milioni 33.8 katika kandarasi ya mshambuliaji wa Bologna Mholanzi Joshua Zirkzee, 23. (Telegraph)

Kiungo wa kati wa Paris St-Germain na Uholanzi Xavi Simons, mwenye umri wa miaka 21, ndiye anayelengwa na Bayern Munich. (Bild)

Kocha wa zamani wa klabu ya AC Milan Stefano Pioli ni miongoni mwa wanaowania kuwa meneja wa Al-Ittihad. (Fabrizio Romano)

Klabu ya Arsenal wamewasilisha ombi la kumnunua beki wa pembeni wa Fenerbahce Ferdi Kadioglu, 24. (Ajan Spor)

Southampton na Brighton wametoa ofa kwa IFK Gothenburg kumnunua kiungo wa kati wa Mali, 18, Malick Yalcouye. (Caught offside)