Rais Magufuli atengua uteuzi wa Mkuu wa Mkoa wa Mara, Magesa Mulongo.
Rais John Magufuli ametengua uteuzi wa Mkuu wa Mkoa wa Mara, Magesa Mulongo kuanzia jana.
Taarifa iliyotolewa na Kaimu Mkurugenzi wa Mawasiliano Ikulu, Gerson Msigwa ikimnukuu Katibu Mkuu Kiongozi, Balozi John Kijazi imesema Rais amemteua Dk Charles Mlingwa ambaye alikuwa Mkuu wa Wilaya ya Siha kujaza nafasi hiyo.
Mulongo anakuwa mkuu wa mkoa wa pili kutimuliwa kazi na Rais Magufuli baada ya Anne Kilango Malecela aliyekuwa Shinyanga.
Hata hivyo, tofauti na Kilango ambaye alitimuliwa kutokana na kutoa taarifa potofu kuhusu watumishi hewa mkoani mwake, Ikulu haikutoa sababu za kutenguliwa kwa uteuzi wa Mulongo.
Mulongo ameondolewa madarakani miezi sita baada ya Rais Magufuli kutengua uteuzi wa aliyekuwa Katibu Tawala wa Mkoa wa Mwanza, Dk Faisal Issa baada ya kutofautiana na Mulongo wakati huo akiwa mkuu wa mkoa huo.
Baada ya kumwondoa Dk Issa na nafasi yake kujazwa na aliyekuwa Kamishna wa Polisi, Fedha na Utawala (CP) Clodwig Mtweve, miezi miwili baadaye Rais alimbadilisha Mulongo kituo cha kazi akimhamishia Mara.
Alipoulizwa jana jinsi alivyoipokea hatua hiyo iliyochukuliwa dhidi yake Mulongo alisema: “Sina taarifa rasmi.”
Kabla kuhamishiwa Mara akitokea Mwanza, Mulongo alikuwa Mkuu wa Mkoa wa Arusha.
Alishika nafasi hiyo baada ya kupandishwa cheo akiwa Mkuu wa Wilaya ya Bagamoyo.
Mulongo anakuwa mkuu wa mkoa wa pili kutimuliwa kazi na Rais Magufuli baada ya Anne Kilango Malecela aliyekuwa Shinyanga.
Hata hivyo, tofauti na Kilango ambaye alitimuliwa kutokana na kutoa taarifa potofu kuhusu watumishi hewa mkoani mwake, Ikulu haikutoa sababu za kutenguliwa kwa uteuzi wa Mulongo.
Mulongo ameondolewa madarakani miezi sita baada ya Rais Magufuli kutengua uteuzi wa aliyekuwa Katibu Tawala wa Mkoa wa Mwanza, Dk Faisal Issa baada ya kutofautiana na Mulongo wakati huo akiwa mkuu wa mkoa huo.
Baada ya kumwondoa Dk Issa na nafasi yake kujazwa na aliyekuwa Kamishna wa Polisi, Fedha na Utawala (CP) Clodwig Mtweve, miezi miwili baadaye Rais alimbadilisha Mulongo kituo cha kazi akimhamishia Mara.
Alipoulizwa jana jinsi alivyoipokea hatua hiyo iliyochukuliwa dhidi yake Mulongo alisema: “Sina taarifa rasmi.”
Kabla kuhamishiwa Mara akitokea Mwanza, Mulongo alikuwa Mkuu wa Mkoa wa Arusha.
Alishika nafasi hiyo baada ya kupandishwa cheo akiwa Mkuu wa Wilaya ya Bagamoyo.
Mabadiliko mengine.
Pia, Rais Magufuli amemteua Mkuu wa Wilaya ya Sengerema, Zainab Telack kuchukua nafasi iliyoachwa wazi na Kilango, tangu Aprili.
Mabadiliko hayo pia yamemhusisha aliyekuwa Mbunge wa Makete, Dk Binilith Mahenge ambaye ameteuliwa kuwa Mkuu wa Mkoa wa Ruvuma kuchukua nafasi ya Said Mwambungu aliyerudishwa ofisi ya Waziri Mkuu ambako imeelezwa kwamba atapangiwa kazi nyingine.
Mpaka anaanguka kwenye mchakato wa kura za maoni ndani ya CCM, Dk Mahenge alikuwa ni Waziri wa Nchi, Ofisi ya Rais (Mazingira), baada ya kupata kura 7,885 na kumruhusu mshindani wake, Dk Norman Sigala King aliyepata kura 8,838 kuipeperusha bendera ya chama hicho.
Taarifa ya Ikulu imesema kwamba wakuu wapya wa mikoa walioteuliwa wataapishwa Jumatano saa 3.00 asubuhi Ikulu jijini Dar es Salaam na kisha watakula kiapo cha maadili ya uongozi.
Source: Mwananchi
ZeroDegree.
Rais Magufuli atengua uteuzi wa Mkuu wa Mkoa wa Mara, Magesa Mulongo.
Reviewed by Zero Degree
on
6/27/2016 11:48:00 AM
Rating:
Reviewed by Zero Degree
on
6/27/2016 11:48:00 AM
Rating:
