BAVICHA yajipanga 2O2O

Katibu Mkuu Chama cha Demokrasia na Maendeleo Dk. Vicent Mashinji amewataka vijana wa Bavicha kutokuwa wazembe wakufikiria bali kujipanga kwa ajili ya kushika dola mwaka wa uchaguzi mkuu 2020 huku akiwapatia kanuni za kushinda uchaguzi huo.

Akizungumza na vijana hao leo jijini Dar es salaam Mashinji amewaambia vijana hao chama chao kimejipanga kushika dola hivyo wao kama vijana wanatakiwa kuhakikisha wanatekeleza majukumu ya kufanya uchaguzi na kuwatambua wanachama hai, pia kuhakikisha kuwa uchaguzi wa serikali za mitaa vijana wanashiriki nafasi mbali mbali na kushinda.

”Nataka niwape majukumu matatu ambayo mkiyafanya hayo 2020 tutashinda nakutangazwa, moja hakikisheni tunaingiza wanachama wapya na kuwa hakiki walio hai, nendeni 2019 kwenye serikali za mitaa vijana mgombee na tupate viongozi ngazi ya chini viijana wasomi, na tatu kwa mwaka huu kila kijana ajue nafasi zitakozogombewa katika eneo lake hiyo itatusaidia kushinda nafasi nyingi za madiwani kwa Tanzania bara na visiwani na haya ndiyo majukumu makubwa ninayowapatia” Mashinji.

Pamoja na hayo amewataka vijana hao kuendelea kupigania haki za wanyonge na kushinda vita ya demokrasia bila kuvunja sheria huku akiwaasa kuwa askari mzuri na shujaa ni yule anayepambana bila risasi.

Hata hivyo Mashinji amewaasa vijana hao kuwa wapole na kusubiri maamuzi ya viongozi wa chama kwani yanabusara aidha amewapongeza vijana hao kwa kuwa na umoja wa kupigania haki na misingi ya demokrasia.

Vile vile Mwenyekiti wa Bavicha Taifa Patrobas Katambi amemweleza Katibu huyo wa chama kuwa wao wapo tayari kwa pambano japo wanasikiliza na kutii kauli ya chama hivyo wao kesho watatoa msimamo wao.

Source: Mtembezi

ZeroDegree.