Dau la Chirwa kumrejesha Okwi msimbazi.
Habari kutoka ndani ya uongozi wa Simba, ambao ni vinara wa Ligi Kuu ya Soka Tanzania Bara, zinasema Okwi, anayekipiga katika Klabu ya SonderjykE ya Denmark, yuko tayari kurejea nchini na ameshafanya mazungumzo na ujumbe maalumu wa Simba uliokwenda nchini Denmark mwezi uliopita.
“Klabu ya SonderjykE imekubali kumuuza Okwi, naye amekubali kurejea Tanzania kuisaidia Simba kutwaa ubingwa, tunaamini mipango inakwenda vizuri sana, hivyo mashabiki wa Simba waendelee kuwa watulivu na kuwa wamoja na wenye mshikamano na timu,” alisema mtoa habari wetu.
Kwa mujibu wa chanzo cha habari hii, Klabu ya SonderjykE imetaka kulipwa kiasi cha Dola 100,000 za Marekani, ambazo ni sawa na zaidi ya Sh milioni 200 za Tanzania, dau ambalo ndilo lilitumika kumsajili mshambuliaji Mzambia wa Yanga, Obrey Chirwa.
Katika timu ya SonderjykE, Okwi amekuwa hapati namba, ndiyo maana naye ameona bora arejee kwenye timu yake na viongozi wa Simba wanafanya kila linalowezekana ili kukamilisha zoezi hilo.
“Kila kitu kimekwenda vizuri na muda wowote kuanzia sasa atarejea kwao Uganda, kisha kuja Tanzania kuichezea Simba, suala la fedha za kumnunulia mchezaji huyo, mmoja wa matajiri wa timu hiyo kujitolea kutoa fedha hizo,” alisema.
Wakati huo huo, Kocha Mkuu wa timu hiyo, Joseph Omog, amesema kikosi chake kipo vizuri pia anahitaji kuwa makini katika kuboresha kikosi cha timu hiyo katika safu ya ushambuliaji.
“Bado ligi inaendelea, kwanza nihakikishe tushinde hizi mbili, suala la maboresho ni kuhakikisha tunaimarisha zaidi safu ya ushambuliaji,” alisema Omog.
Kwa upande wa Okwi, alisema suala la kurejea Tanzania katika kikosi cha Simba halifahamu, ila ni taarifa anazopata kutoka kwa watu wake wa karibu.
“Bado nina mkataba na SonderjykE, suala la kurejea Simba nimesikia tu kwa watu wangu wa karibu, kama mambo yatakuwa vizuri basi nitaonekana kikosini,” alisema Okwi.
Kama dili hilo likitiki, Wekundu hao wakafanikiwa kumrejesha Okwi, pia wakainasa saini ya Kipre, Simba itakuwa moto wa kuotea mbali.
“Klabu ya SonderjykE imekubali kumuuza Okwi, naye amekubali kurejea Tanzania kuisaidia Simba kutwaa ubingwa, tunaamini mipango inakwenda vizuri sana, hivyo mashabiki wa Simba waendelee kuwa watulivu na kuwa wamoja na wenye mshikamano na timu,” alisema mtoa habari wetu.
Kwa mujibu wa chanzo cha habari hii, Klabu ya SonderjykE imetaka kulipwa kiasi cha Dola 100,000 za Marekani, ambazo ni sawa na zaidi ya Sh milioni 200 za Tanzania, dau ambalo ndilo lilitumika kumsajili mshambuliaji Mzambia wa Yanga, Obrey Chirwa.
Katika timu ya SonderjykE, Okwi amekuwa hapati namba, ndiyo maana naye ameona bora arejee kwenye timu yake na viongozi wa Simba wanafanya kila linalowezekana ili kukamilisha zoezi hilo.
“Kila kitu kimekwenda vizuri na muda wowote kuanzia sasa atarejea kwao Uganda, kisha kuja Tanzania kuichezea Simba, suala la fedha za kumnunulia mchezaji huyo, mmoja wa matajiri wa timu hiyo kujitolea kutoa fedha hizo,” alisema.
Wakati huo huo, Kocha Mkuu wa timu hiyo, Joseph Omog, amesema kikosi chake kipo vizuri pia anahitaji kuwa makini katika kuboresha kikosi cha timu hiyo katika safu ya ushambuliaji.
“Bado ligi inaendelea, kwanza nihakikishe tushinde hizi mbili, suala la maboresho ni kuhakikisha tunaimarisha zaidi safu ya ushambuliaji,” alisema Omog.
Kwa upande wa Okwi, alisema suala la kurejea Tanzania katika kikosi cha Simba halifahamu, ila ni taarifa anazopata kutoka kwa watu wake wa karibu.
“Bado nina mkataba na SonderjykE, suala la kurejea Simba nimesikia tu kwa watu wangu wa karibu, kama mambo yatakuwa vizuri basi nitaonekana kikosini,” alisema Okwi.
Kama dili hilo likitiki, Wekundu hao wakafanikiwa kumrejesha Okwi, pia wakainasa saini ya Kipre, Simba itakuwa moto wa kuotea mbali.
Source: Dimba
ZeroDegree.
Dau la Chirwa kumrejesha Okwi msimbazi.
Reviewed by Zero Degree
on
11/04/2016 09:11:00 AM
Rating:
Reviewed by Zero Degree
on
11/04/2016 09:11:00 AM
Rating:
