Arsenal imetinga Fainali ya FA Cup baada ya kuichapa Man City bao 2-1

Washika bunduki wa London, klabu ya Arsenal imetinga fainali ya kombe la Fa baada ya kuichapa Manchester City bao 2-1 katika dakika za nyongeza.

Mchezo huo wa nusu fainali ulichezwa kwa dakika 120 baada ya timu hizo kutoshana nguvu kwa sare ya bao 1-1 katika dakika tisini za kawaida.

Man City ndio walioanza kuzifumani nyavu za Arsenal kwa goli la dakika ya 62 liliowekwa kambani na mshambuliaji wake mahiri Sergio Aguero Kun.

Beki wa kushoto wa Arsenal, Monreal alisawazisha bao lilo katika dakika ya 71 ya mchezo.

Alexis Sanchez aliipeleka timu yake fainali kwa goli alilofunga katika dakika ya 101, kufuatia patashika ya mpira wa kutengwa iliyotokea kwenye goli la City.

Fainali ya mchezo wa kombe la FA utapigwa Mei 27 katika dimba la Wembley ambapo Arsena watakipiga na Chelsea kuwania ubingwa wa kikombe hicho.