Video: Kwa mara ya kwanza tangu 1972, Huddersfield wamepanda daraja kucheza Ligi Kuu [EPL]

Klabu ya Huddersfield Town imepandishwa daraja kucheza Ligi ya Uingereza kwa mara ya kwanza baada ya kuilaza Reading 4-3 kwa mikwaju ya penati kwenye uwanja wa Wembley Jumatatu.

Baada ya kutoka sare 0-0 dakika 120, Town walitakiwa kupiga mikwaju kwa mara ya pili na walikuwa na bahati tena baada ya kuilaza Sheffield Wednesday pia kwa mikwaju ya penalti kwenye hatua ya nusu fainali.

Christopher Schindler aliwashindia Town baada ya mkwaju wa Liam Moore kupaa angani nao mpira wa Jordan Obita ukaokolewa na kipa Danny Ward.

Klabu hiyo ya Yorkshire Magharibi haijacheza soka ya ligi kuu tangu 1972.

Reading, waliomaliza alama nne na nafasi mbili juu ya Town waliokuwa nafasi ya tano katika ligi ya Championship sasa wameshindwa katika fainali ya muondoano ya kufuzu kwa EPL baada ya ligi kwa mara ya nne.