Matokeo ya Mechi za Ligi Kuu ya Uingereza leo Jumamosi

Wachezaji wa Chelsea wakishangilia bao

Mabingwa watetezi, Chelsea walipata ushindi rahisi dhidi ya West Brom na kumuongezea presha kocha wa timu hiyo, Tony Pulis.

Alvaro Morata alifunga bao lake la nane katika ligi baada ya kufunga mpira uliopanguliwa na kipa Ben Foster kufuatia shambulio la Eden Harzard.

Hazard alifunga bao la pili muda mfupi baadaye wakati alipochukua pasi ya kisigino ya Morata, akamchenga Foster na kucheka na wavu kabla ya Marcos Alonzo kufunga bao la tatu kutoka mkwaju wa adhabu wa Cesc Fabregas.

Katika kipindi cha pili Harzard alifunga bao lake la pili kutoka maguu 18 baada ya kupata pasi nzuri kutoka kwa fabregas.

Wakati huohuo Manchester City ilionyesha mchezo mwengine mzuri katika ushindi dhidi ya Leicester ambao umeimarisha uongozi wake katika kilele cha jedwali la ligi ya Uingereza.

Gabriel akishangilia bao aliloifungia timu yake

Kikosi cha Pep Guradiola kiliendeleza msururu wake wa matokeo mazuri baada ya likizo ya mechi za kimataifa kwa kujipatia ushindi wa 16 mfululizo katika mashindano yote kupitia uongozi wa mshambuliaji wao Gabriel Jesus kabla ya kiungo wa kati De Bryuine kufunga mkwaju mkali ambao kipa wa Leicester alishindwa kuuona.

Mohammed Salah akiifungia Liverpool bao dhidi ya Southampton

Kwengineko Mohamed Salah aliendeleza umahiri wake kwa kuipatia Liverpool mabao mawili huku timu hiyo ikiilaza Southampton kwa urahisi na kujipatia ushindi wa tatu mfululizo kwa mara ya kwanza 2017.

Baada kuonyesha mchezo mzuri kutoka dakika za kwanza, mshambuliaji wa Misri Salah alifunga bao zuri kutoka miguu 18, baada ya Dusan Tadic kufanya masihara na kupoteza mpira karibu na eneo hatari.

Mshambuliaji huyo aliipatia timu hiyo ya nyumbani bao la pili kufuatia pasi ya Phillipe Coutinho.

Hakuna mchezaji wa ligi ya Uingereza mwenye mabao mengi katika mashindano yote kama Salah msimu huu na ijapokuwa alitulia baada ya kipindi cha kwanza Coutinho alichukua uongozi na kufunga kufuatia mpira uliopanguliwa na kipa baada ya shambulizi la Roberto Firmino.

Matokeo ya Mechi za Ligi Kuu ya Uingereza leo Jumamosi: