Tetesi za soka barani Ulaya Jumamosi Tarehe 31 Machi, 2018

Eden Hazard

Zinedine Zidane amesema kuwa nyota wa klabu ya Chelsea, Eden Hazard atabakiwa kuwa kwenye malengo ya Real Madrid kwenye majira ya joto na atabakia kwenye kibarua chake kama Florentino Perez atamsajlili raia huyo wa Ubelgiji.

Cristiano Ronaldo anaamini kuwa Isco ataondoka Bernabeu kwenda Manchester City kwenye majira ya joto. (Don Balon)

Chelsea wana amini wanaweza kuzipiku Manchester United na Barcelona kwenye mbio za kuwania saini ya beki wa Tottenham, Toby Alderweireld.

Nyota wa Boca Juniors, Carlos Tevez amekanusha kwamba aliumia kwenye mechi iliyochezewa gerezani.

Aliyekuwa kiungo wa klabu ya Arsenal, Mathieu Flamini, ambaye anaichezea Getafe kwa sasa, ameingia kwenye rekodi kwa kudai kuwa yeye sio bilionea.

West Ham wanajipanga kumsajili golikipa wa Manchester United, Sam Johnstone kwa pauni milioni. (Mirror)

Jurgen Klopp anasema kuwa hatima ya Emre Can katika klabu ya Liverpool bado haijaamliwa.

Gareth Bale akiwa na kocha wake, Zinedine Zidane

Real Madrid wana mpango wa kumuuza Gareth Bale kwenye majira ya joto.

Pep Guardiola amemfananisha Kyle Walker na washindi wa Ligi ya Mabingwa, Eric Abidal na Philipp Lahm. (Sky Sports)

Daniel Sturridge ameigharimu West Brom kiasi cha pauni 50,000 tangu ajiunge na klabu hiyo mwezi Januari kwa mkopo, lakini Alan Pardew ametea usajili wa mshambuliaji huyo wa Liverpool.

Nathaniel Clyne amejiunga na kikosi cha Liverpoolkwa mara ya kwanza msimu huu kwenda kucheza dhidi ya Crystal Palace, lakini Jurgen Klopp anamkosa Joe Gomez kwa karibu mwezi mmoja.

Chelsea wanahofia golikipa wao Thibaut Courtois anaweza asiwe fit kwa ajili ya mchezo wao wa Ligi Kuu ya Uingereza dhidi ya Tottenham Jumapili.

Sam Allardyce haamini kuwa nafasi yake kama meneja wa Everton iko mashakani. (Telegraph)

Manchester City inaweza kukabiliana na ushindani kumbakisha winga wao, Raheem Sterling katika Ligi Kuu ya Uingereza.

Thamani ya Callum Wilson ni pauni milioni 25, kwa mujibu wa Bournemouth, huku kukiwa na klabu kama Everton na West Ham zikiwania saini ya nyota huyo.

Sinisa Mihajlovic

Aliyekuwa meneja wa AC Milan, Sinisa Mihajlovic anaweza kutua Ligi Kuu ya Uingereza - baada ya vilabu viwili kutoka Ligi hiyo kuonyesha nia ya kumpa kibarua msimu huu. (Sun)

Chelsea ina matumaini kwamba klabu kubwa barani ulaya kama, PSG, itampa Antonio Conte ofa ya kibarua kwenye majira ya joto, ambapo itawaokolea kiasi kikubwa cha fedha ambacho wangemliapa kama fidia kama ataondoka.

Hatima ya Ben Mee katika klabu ya Burnley iko shakani, Sean Dyche akidai beki huyo anaendelea kugomea mazungumzo ya mkataba mpya. (Times)

Arsenal wanahofia Jack Wilshere atakataa ofa ya mkataba mpya na kuondoka kwenye majira ya joto akiwa kama mchezaji huru. (Guardian)

Beki wa Everton na Uingereza, Michael Keane anasisitiza kuwa hajaikatia tamaa ndoto yake ya Kombe la Dunia. (Express)

Scott Sinclair amekanusha uvumi unaomhusisha na kuondoka Celtic na kusisitiza kwamba anataka kuisaidia klabu yake kwenye harakati za kuwania kushinda taji la 10 mfululizo.

Mshambuliaji wa Hearts, Steven Naismith anakiri kwamba anatarajia kuachwa kuzimu kwenye majira ya joto kama sakata lake na Norwich halitashughulikiwa.

Ally McCoist anaweza kurejea kama meneja wa timu ya taifa ya Australia msimu ujao.

Scott McTominay

Sir Alex Ferguson amesema kuwa Scott McTominay alikataa kung'araa kwa kuichezea Uingereza kwa lengo la kulinda heshi ya baba yake mzazi nchini Scotland. (Record)