Vigogo IEBC Kenya wageukana

Mkurugenzi wa Tume huru ya uchaguzi nchini Kenya IEBC Ezra Chiloba, amemfungulia mashtaka Mwenyekiti wa Tume hiyo Wafula Chebukati, kupinga hatua ya kumpa likizo ya lazima.

Katika barua iliyotolewa na Mahakama ya Kazi na Ajira, Chiloba ameomba mahakama kumkamata Wafula Chebukati kwa ukiukaji wa uhuru wake wa kikatiba na haki, na kusema kwamba uamuzi wa Chebukati wa kumpeleka likizo ya lazima ni kinyume na katiba na haukufuata utaratibu wa kisheria.

“Hatua ya kunipeleka likizo ya lazima kwa muda wa miezi mitatu ina athari na pia ni kinyume cha sheria kwenye kazi yangu na ofisi kwa kipindi hicho", imeeleza barua hiyo ambayo imepelekwa mahakamani.

Zaidi ya hayo Chiloba amedai kwamba memo hiyo ya tarehe 6 Aprili ya kumpa likizo ya lazima kwa miezi mitatu haikufafanua makosa yake, na kwamba Chebukati hakufanya uchunguzi wowote ambao ungekuwa msingi wa malipo ambayo yanaweza kukamilisha aina ya maamuzi yaliyopangwa na wajumbe.