Tetesi za soka barani Ulaya Jumatatu Tarehe 5 Julai, 2024

Federico Chiesa, 26

Juventus wanataka kuwaondoa nyota wanane katika mabadiliko ya msimu huu, akiwemo fowadi wa Italia Federico Chiesa, 26, ambaye amekuwa akihusishwa na Tottenham. (Mail)

Beki wa zamani wa Liverpool na Cameroon Joel Matip, 32, analengwa na Bayer Leverkusen baada ya kuondoka Reds msimu uliopita kwa uhamisho wa bila malipo.

Borussia Dortmund inaongoza mbele ya Chelsea na Aston Villa katika kinyang'anyiro cha kumsajili fowadi wa Hoffenheim Mjerumani Maximilian Beier, 21. (Sky Germany)

Lakini beki wa Uingereza Joe Gomez hana nia ya kuondoka Liverpool msimu huu, licha ya klabu hiyo kumpa mkataba wa kubadilishana na Newcastle kwa ajili ya winga wa Uingereza Anthony Gordon, 23. (Mirror).

Mshambuliaji wa Ujerumani Niclas Fullkrug, 31, amekamilisha vipimo vyake vya afya West Ham kabla ya kuondoka Borussia Dortmund.

Chelsea wanaweza kumnunua kiungo wa kati wa Celtic raia wa Denmark Matt O'Riley, 23, ikiwa kiungo wa kati wa Uingereza Conor Gallagher, 24, atajiunga na Atletico Madrid. (Sky Sports)

Gallagher kwa sasa anaweka wazi chaguo zake na bado yuko kwenye mazungumzo na Chelsea juu ya uwezekano wa kuandikisha mkataba mpya. (Mail)

Emerson Royal, 25

AC Milan wamewasilisha ombi la thamani ya euro 15m (£12.78m) pamoja na nyongeza ili kumsajili beki wa Brazil Emerson Royal, 25, kutoka Tottenham. (Fabrizio Romano)

Everton wanaweza kulazimishwa kumuuza mlinzi wa Uingereza Jarrad Branthwaite, 22, chini ya bei inayotakiwa ili kuepusha matatizo ya kifedha.

Leeds wameuliza kuhusu upatikanaji wa kiungo wa kati wa timu ya taifa ya Uingereza Bobby Clark mwenye umri wa miaka 19 kwa mkopo kutoka Liverpool. (Football Insider)

Manchester United na Arsenal pia wanavutiwa na dili la bei iliyopunguzwa kwa Chiesa, ambaye yuko katika mwaka wa mwisho wa mkataba wake. (TeamTalks)