NJOMBE: Mwalimu adaiwa kubaka wanafunzi wake wanne!!!!

Jeshi la Polisi Mkoa wa Njombe linafanya uchunguzi wa tuhuma za ubakaji wa wanafunzi wanne zinazomkabili mwalimu wa Shule ya Msingi Kimerembe wilayani Ludewa. Kamanda wa Polisi Mkoa wa Njombe, Wilbrod Mtafungwa alisema jana kuwa, mwalimu huyo anatuhumiwa kuwabaka wanafunzi hao shuleni hapo kati ya Julai na Novemba, mwaka huu, watatu wakiwa na umri wa miaka 12 na mmoja 13.

“Taarifa za mwalimu huyu kubaka hazikuripotiwa katika kituo cha polisi, lakini baada ya taarifa kusambaa makachero wa polisi walifika eneo hilo kwa ajili ya uchunguzi ili kubaini ukweli,” alisema.

Mtafungwa alisema mwalimu huyo alitoroka baada ya kuhojiwa na kamati ya shule hiyo na kwamba, kwa sasa anasakwa.

Credits:Mwananchi

Mshirikishe na mwnzako kadri uwezavyo!!!