Bomu lasababisha kuahirishwa kwa mechi kati ya Man Utd na Bournemouth.

Manchester, England. Kasha linalosadikika kuwa na vitu vyenye milipuko vimegundulika kwenye Uwanja wa Old Trafford na kufanya mchezo wa mwisho wa Manchester United dhidi ya Bournemouth kuahirishwa.

Majukwaa mawili ya uwanja huo, Sir Alex Ferguson na Stretford End yalikuwa chini ya uangalizi kabla ya muda wa kuanza kwa mchezo huo wakati askari wakitumia mbwa kugundua milipuko hiyo.

Wakati hali ikiwa hivyo Old Trafford, Arsenal ilifanikiwa kumaliza ligi msimu huu katika nafasi ya pili baada ya Newcastle United kuitandika Tottenham Spurs mabao 5-1. 



Katika mchezo wake, Arsenal iliibuka na ushindi wa mabao 4-0 dhidi ya Aston Villa na kupanda kwa pointi moja juu ya Spurs waliopoteza mchezo wao wa jana.



Manchester City imefanikiwa kumaliza katika nafasi ya nne baada ya kupata sare 1-1 dhidi ya Swansea City na kufanya tofauti kati yake na Man United kuwa pointi tatu.

ZeroDegree.