Kaya zaidi ya elfu 30 zaondolewa katika Mfuko wa Taifa wa Jamii [ Tasaf ].

Kaya 32,456 zimeondolewa katika mpango wa kuzinusuru na umasikini unaotekelezwa na Mfuko wa Taifa wa Jamii (Tasaf) kwa kukosa sifa.

• Fedha za Tasaf zahusishwa na Freemason.
• Wananchi wa Singida wakataa pesa za TASAF wakizihusisha na freemason. [ Ufafanuzi hapa ].

Akizungumza katika kikao kazi cha kujenga uelewa kuhusu mpango huo kwa wakuu wa mikoa, makatibu tawala wa mikoa, wakuu wa wilaya na wakurugenzi wa halmashauri za Kanda ya Ziwa jijini Mwanza juzi, Mkurugenzi Mtendaji wa Tasaf, Ladislaus Mwamanga amesema wameziondoa kaya hizo baada ya kuhakiki upya.

Mwamanga amesema awali zilitambuliwa kaya milioni 1.3 lakini ziliandikishwa ni milioni 1.1, zenye sifa zikiwa na watu 6.5 milioni kutoka Tanzania bara na visiwani huku asilimia 54 wakiwa ni wanawake.

Credits: Mwananchi

ZeroDegree.