Ahukumiwa kutumikia kifungo cha miaka 20 jela kwa kosa la kusafirisha wahamiaji haramu.

DEREVA Boniface Chuwa (29) mkazi wa Mwembetogwa, River Side, mkoani Morogoro, amehukumiwa kifungo cha miaka 20 baada ya kupatikana na hatia ya kuwasafirisha wahamiaji haramu.

• Ahukumiwa kifungo cha maisha jela kwa kukutwa na bangi.
• Ahukumiwa kwenda jela miaka 30 kwa kosa la kubaka mwanafunzi wa darasa la 2.

Hukumu hiyo ni ya Mahakama ya Hakimu Mkazi Mkoa wa Pwani, ilitolewa na Hakimu Herieth Mwailolo.

Mwendesha mashitaka mwandamizi wa serikali, Mselei Mfinanga, ameieleza mahakama kuwa mshitakiwa alitenda kosa hilo Novemba 22 mwaka huu, eneo la Mizani Mkuranga.

Alikamatwa akiwa na wahamiaji haramu 31 kutoka Ethiopia.

• Mwalimu ahukumiwa kifungo cha miaka 30 jela kwa kosa la kumpa mimba mwanafunzi.
• Ahukumiwa adhabu ya viboko 135 kwa kosa la ufisadi.

Amedai kuwa alikamatwa akiwa anaendesha gari aina ya Mitsubishi Canter, namba T 786 BBX, mali ya Jumanne Mohamed.

Mshitakiwa alikiri kosa.

Baada ya kupatikana na hatia hiyo, mahakama ilitoa adhabu hiyo au kulipa faini ya Sh milioni 20.

Alishindwa kulipa kiasi hicho hivyo amekwenda gerezani kutumikia kifungo hicho cha miaka 20.

ZeroDegree.