Maalim Seif aibua upya sakata la mkono wa Rais Shein

• Maalim Seif ataja serikali 3 wakati wa mazishi ya Aboud Jumbe .
  
• Maalim Seif, Dk. Shein wachambuliwa na wasomi, ..ni baaada ya Seif kugoma kusalimiana na Shein wakati wa mazishi ya Aboud Jumbe.
  
• Maalim Seif amwandikia Papa Francis BARUA, pata undani wa barua hiyo hapa.

Katibu Mkuu wa CUF, Maalim Seif Sharif Hamad amesema kitendo chake cha kukataa kushikana mikono na Rais wa Zanzibar, Dk Ali Mohamed Shein ni kuuthibitishia umma kwamba yeye si mnafiki.

Tukio hilo lilitokea Agosti, wakati wa maziko ya Rais wa Pili wa Zanzibar, Aboud Jumbe Mwinyi yaliyofanyika makaburi ya Migombani ambako Maalim Seif alikataa kumpa mkono Dk Shein.

Hii ni mara ya kwanza kwa Maalim Seif kuzungumzia suala hilo.

Akizungumza katika mahojiano maalumu na Mwananchi yaliyofanyika katika ofisi ya Makao Makuu ya CUF Mtendeni, Zanzibar juzi, Maalim Seif alisema Dk Shein anaujua ukweli kuhusu Uchaguzi Mkuu wa mwaka jana.

Mara kwa mara, Maalim Seif amekuwa akinukuliwa na vyombo vya habari akidai kwamba alishinda uchaguzi wa Oktoba 25 mwaka jana kabla ya matokeo yake kufutwa na kurudiwa Machi 20, ambako yeye na chama chake walisusia.

ZeroDegree.