JTWZ inadaiwa Bilioni 3 na Shirika la Umeme nchini [Tanesco]

• Tanesco inadaiwa Bilioni 4 na Mamlaka ya Mapato Tanzania [TRA]
• Nyumba ya Mbunge yanaswa na Tanesco ikiiba umeme
• Siri ya kutumbuliwa kwa bosi wa Tanesco yafichuka.

Mkuu wa Majeshi nchini, Evance Mabeyo amesema Jeshi la Wananchi Tanzania (JWTZ) linadaiwa Sh3 bilioni na Shirika la Umeme nchini na kesho (Jumatatu) watapunguza deni hilo ili wasikatiwe umeme.

Mkuu wa Majeshi nchini, Evance Mabeyo

Mabeyo ameyasema hayo leo wakati anazungumza na waandishi wa habari makao makuu ya jeshi (Ngome) na kueleza deni hilo limetokana na shughuli za jeshi hilo kwenye ulinzi wa Taifa pamoja na ufinyu wa bajeti. 

"Baada ya kupokea maelezo ya Tanesco na kufuatia tamko la Rais, Jeshi la Wananchi limetafakari na limefanya jitihada kupata fedha za kupunguza deni hili, tunadaiwa fedha kiasi kinachozi kidogo Sh3 bilioni, nimeagiza watendaji wetu watafute Sh1 bilioni," amesema Mabeyo.

Mabeyo amesema juhudi zinazofanywa na Jeshi hilo zinatakiwa kuonyeshwa na Taasisi nyingine ili kuweza kuiongezea Tanesco uwezo wa kutoa huduma.