Drake alivyomsababishia Wizkid balaa zito

HIVI sasa rapa Wizkid hana raha hata kidogo. Mashabiki wake wamemkalia kooni wakimtupia lawama kwa kitendo chake cha kutomweka Drake kwenye video yake mpya.

Wizkid amemshirikisha Drake kwenye ngoma hiyo iitwayo Come Closer, lakini mshikaji huyo haonekani kwenye video iliyotoka hivi karibuni.

Jambo hilo limewakera mashabiki wa Wizkid ambao wamesema haikuwa haki kwa Drake kutoonekana kwenye ‘kichupa’ hicho.

Mashabiki wamemponda na kusema hamfikii Dbanj ambaye licha ya kupotea kwenye ramani ya muziki, aliweza kumchukua Kanye West kwenye moja ya video zake.