AJALI: Watu wengine 5 wamefariki Arusha baada ya kuangukiwa na mti

Ikiwa bado Watanzania wapo kwenye majonzi ya msiba wa watu 35 kwenye ajali ya basi dogo la shule Karatu mkoani Arusha, vifo vingine vya mkupuo vimetokea kwa watu watano walioangukiwa na mti wakiwa ndani ya nyumba.

Watu hao watano wamefariki baada ya kuangukiwa na mti kwenye kijiji cha Ngiresi kilichopo Kata ya Sokoni mkoani Arusha ambapo kamanda wa Polisi Arusha Charles Mkumbo amethibitisha kutokea kwa ajali hiyo.

Amesema imetokea usiku wa kuamkia leo May 9, 2017 baada ya mti kuangukia kwenye nyumba iliyokua jirani ambapo chanzo ni mvua na upepo mkali.