Kampuni ya SportPesa yazinduliwa rasmi nchini Tanzania

Waziri wa Habari, Utamaduni, Sanaa na Michezo Mhe. Dkt. Harrison Mwakyembe (kushoto) akiwa na viongozi wa juu wa SportPesa.

Kampuni ya SportPesa yenye makao yake makuu nchini Kenya ambayo hivi karibuni ilikuwa ikitajwa kutaka kuzidhamini Simba na Yanga, leo imezinduliwa rasmi hapa nchini tayari kwa kuanza kazi zake za kuendesha michezo ya kubatisha (betting) lakini pia kuendeleza michezo mbalimbali ikiwemo soka.

Kuhusu kuzidhamini timu za Simba na Yanga uongozi wa kampuni hiyo umewataka wapenzi na mashabiki wa soka hapa nchi kuwa na subira kwani Jumamosi hii kila kitu kitawekwa hadharani.

Mkurugenzi wa Utawala wa SportPesa Tanzania, Abbas Tarimba ambaye pia amewahi kuwa mwenyekiti wa klabu ya Yanga alisema kuwa kuanzia Jumamosi hii itajulikana na timu zipi ambazo watafanya nazo kazi hapa nchini.

Hafla hiyo imehudhuriwa na watu mbalimbali maarufu hapa nchini akiwemo pia Waziri wa Habari Sanaa Utamaduni na Michezo, Dk Harrison Mwakyembe.