Chelsea kumsajili beki huyu wa Bayer Munich?

• Conte ameweka wazi mikakati yake ya usajili ujao baada ya msimu huu kuisha
• Willian amefunguka kuhusiana na 'Future' yake Chelsea

Kwa mujibu wa ripoti za hivi karibuni, Conte anafikiria kuimarisha safu yake ya ulinzi na mmoja wa wachezaji anaowahitaji ni pamoja na Beki wa Bayern Munich, Jerome Boateng.

Virgil van Dijk (Southampton)

Ripoti hizo zinasema, kama mkakati wa kumsajili Virgil van Dijk utafeli, basi Conte atahimishia majeshi yake kwa Boateng.

'The Blues' wanatarajiwa kutumia pesa nyingi kwa ajili ya usajili katika majira ya joto kama ambavyo Conte aliweka wazi siku za karibuni juu ya mipango yake ya usajili.

Na ripoti zinasema kama Chelsea wataachana na mpango wa kumsajili Beki wa Southampton ambaye amemaliza msimu katika kiwango cha juu, basi beki wa Bayern Munich, Jerome Boateng atabakia kuwa chaguo lao la pili.

Inaaminika pia kwamba, dau ambalo klabu ya Southampton inalihitaji ili kuweza kumwachia beki wao ni pauni milioni 50, kiasi ambacho kinaaminika kuwa ni kikubwa kulingana na matarajio ya Chelsea na inawezakuwa sababu za kuachana na mpango wa kumsajili beki huyo.

Na ukijaribu kuangalia kwa upande wa pili baada ya mechi ya mwisho ya Bayer Munich wiki iliyopita kwenye Bundesliga msimu huu, ilionekana kuwa Boateng mwenyewe hana uhakika kama ataendelea kubakia na Klabu yake kwa msimu ujao kufuatia kupata muda mchache wa kucheza msimu huu.

Beki wa Bayern Munich, Jerome Boateng

“Sina mipango mingine zaidi. Kuna klabu chache sana Duniani zenye desturi kama ya Bayern Munich.

“Sikupata muda wa kutosha kucheza uwanjani hivyo ni suala la kawaida kwamba sina furaha hata kidogo", alisema Boateng.