Kiungo wa Sirie A anayetarajiwa kutikisa kwenye usajili wa majira ya joto barani Ulaya

Kiungo wa klabu ya Lazio na timu ya taifa ya Serbia, Sergej Milinkovic-Savic

Kiungo wa Lazio, Sergej Milinkovic-Savic yuko kwenye kiwango cha hali ya juu msimu huu na amekuwa akihusishwa na uhamisho kwenda vilabu kadhaa barani Ulaya.

Klabu kama Manchester United, Real Madrid na Paris Saint-Germain zina hamu ya kumsajili nyota huyo mwenye umri wa miaka 23. Kwa mujibu wa taarifa mbalimbali, Lazio inahitaji karibuni pauni milioni 131 kwa ajili ya kiungo huyo. Lakini mkurugenzi wa Lazio amedai kuwa klabu hiyo bado haijapanga bei ya kuanzia.

Alipoulizwa kuhusu hatima ya raia huyo kutoka Serbia, Igli Tare aliiambia Sportitalia: “Sijui ana thamani ya kiasi gani na wala sitaki hata kulifikiria kichwani.

“Katika hali yoyote bei yake itakuwa zaidi ya kati ya pauni milioni 70-80. Sergej ni mchezaji muhimu kwetu sisi na bado hajafikia kilele cha mafanikio yake. Mara nyingi huwa kuna wachezaji wengi, ambao wanaweza kutafutwa na kuendelezwa.

“Nataka kuweka jambo moja sawa, Lazio haijawahi kutenga bei au kuulizwa lolote juu ya Milinkovic. Tulipokea ofa kadhaa zilizokuwa chini na zilizokuwa juu ya hapo kwenye majira ya joto mwaka jana, lakini hazikutupotezea muda.

“Kwa sasa kuna vilabu kadhaa vinavutiwa na mchezaji wetu, lakini hakuna uhalisia. Sijawahi kamwe kuzungumza na Real Madrid kuhusiana naye, na hatujawahi kuulizwa kitu chochote.”