Lionel Messi kupewa tuzo maalum La Liga

Rais wa ligi kuu ya soka nchini Hispania (La Liga) Javier Tebas, amesema wanafikiria kuanzisha kuanzisha tuzo maalum kwaajili ya kumuenzi nyota wa Barcelona Lionel Messi.

Tebas ameenda mbali zaidi na kusema wanaweza kuipa jina la Messi tuzo ya mchezaji bora wa msimu wa ligi hiyo.

"Litakuwa wazo zuri katika siku zijazo kutengeneza tuzo ya mchezaji bora wa msimu husika ambayo jina lake itaitwa Messi." amesema.

''Messi amekuwa akicheza tangu alipokuwa kijana tena katika kiwango cha juu sana na amechukua na kuweka rekodi mbalimbali kwenye ligi yetu hivyo anastahili heshima hiyo'', amesema.

La Liga wamekuwa na utaratibu wa tuzo kuzipa majina ya nyota mbalimbali waliofanya vyema kwenye ligi hiyo. Mfano ni tuzo ya mlinda mlango bora ambayo inaitwa 'Zamora' jina la nyota wa zamani wa Real Madrid Ricardo Zamora.

Tuzo nyingine ni ya mfungaji bora wa msimu ambayo inaitwa 'Pichichi' jina la nyota wa zamani wa Athletic Bilbao Rafael Pichichi Moreno.