7 wafariki na wengine kujeruhiwa baada ya jengo la shule kuanguka Kenya

Wanafunzi saba wamefariki dunia na wengine kujeruhiwa baada ya jengo la Shule ya Precious Talent kuanguka eneo la Ngado Nairobi nchini Kenya saa 1 asubuhi leo tarehe 23 Septemba 2019.

Taarifa iliyotolewa na Shirika la Msalaba Mwekundu nchini humo imesema shughuli ya uokoaji inaendelea na wanafunzi wanne wamepelekwa Hospitali ya Taifa ya Kenyatta.

Mmoja wa wazazi katika eneo hilo amesema ajali hiyo inaweza kuwa imesababishwa na uchimbaji wa mfumo wa kupitisha maji taka karibu na shule hiyo.