Mshambuliaji Ibrahim Ajibu kutimka Simba, ..adai hajafikiria kuongeza mkataba.

Mshambuliaji Ibrahim Ajib. 

• Sasa ni rasmi, Ibrahim Ajibu ni mchezaji wa Yanga SC

Wakati mkataba wake wa kuitumikia Simba ukielekea ukingoni, mshambuliaji Ibrahim Ajib amebainisha kuwa mwelekeo wake wa kisoka ni baada ya kumalizana na klabu hiyo mwakani.

Ajib ambaye amekuwa miongoni mwa wachezaji tegemeo katika kikosi cha kocha Joseph Omog alisema kwamba hajafikiria kuongeza mkataba na timu hiyo au kwenda kwingine.

“Mkataba wangu utakwisha mwakani na kanuni zinaniruhusu kufanya mazungumzo na timu nyingine kwa kipindi hiki, lakini natakiwa nitulie na kutafakari kwa upana suala hili. 

“Upande wa Simba SC, bado sijafikiria kuongeza mkataba, nahitaji kwanza niutumikie huu nilionao, umalizike ndipo nitajua nini cha kufanya, binafsi soka ndiyo kila kitu kwangu, hivyo mkataba niliona utakapokwisha nitakuwa ninajua mwelekeo wangu uko vipi,” alisema Ajib.