VIDEO: Real Madrid wapoteza mechi ya pili mfululizo

• Huyu hapa Jorge Sampoli, mkali aliyeziyeyusha ndoto za Kocha Zinedine Zidane
• VIDEO: Sevilla walivoivunja rekodi ya Real Madrid

Mechi 40 mfululizo bila kufungwa na kisha 3 mfululizo bila ushindi hakika ni wakati wa Real Madrid kujisikia vibaya, pamoja na kupata sare moja katika moja ya michezo hiyo.

Real Madrid anaanguka kwa mara nyingine baada ya kuchapwa na Celta Vigo katika mechi yao ya kwanza ya robo fainali ya Copa del Rey, kichapo cha goli 

2 - 1 ni kichapo alichopewa na Celta Vigo ambo pia kinakuwa kichapo cha kwanza kwa Real Madrid kupata akiwa katika uwanja wa nyumbani tangu alipochapwa hapo na Mahasimu wake, Atletico Madrid Februari 27, 2016.

Iago Aspas na Jonny ndio wangungaji wa magoli ya Celta Vigo, na Marcelo kwa muda mfupi tu ndiye aliyeyafanya matokeo kuwa 1-1. Kabla ya Jonny kufunga goli lilovunja juhudi za Marcelo.

Madrid walipoteza kwa Sevilla mwishoni mwa wiki ambayo ilikuwa ndio mechi yao ya kwanza katika mechi 41 walizocheza, ikiwa ni siku tatu baada ya kutoka sare ya 3-3 na hao hao Sevilla kwenye Copa del Rey.

Kikosi hicho cha kocha Zinedine Zidane sasa kinaongoza kwa point 1 tu mbele ya Sevilla katika La Liga, ingawa kiko nyuma kwa mchezo mmoja ukilinganisha na wapinzani wake wa karibu.

Alaves walishinda walipokutana na Alcorcon,  katika michezo mingine ya Copa Del Rey ya kwanza Jumatano. Siku ya leo Alhamisi utawashuhidia Barcelona na Real Sociedad wakati huo huo Eibar na Atletico Madrid.

ZeroDegree.