Baraza la Sanaa la Taifa [Basata] limeufungia wimbo wa Nay wa Mitego

• Jeshi la polisi limethibitisha kumkamata Nay wa Mitego, ....laeleza sababu
• Nay wa Mitego akamatwa na polisi mkoani Morogoro
• Baraza la Sanaa la Taifa [ BASATA ] limemfungia Nay wa Mitego kwa muda usiojulikana.
• BASATA yafungia nyimbo mpya ya NAY WA MITEGO, "Pale Kati".

Baraza la Sanaa la Taifa (Basata) limeufungia rasmi wimbo "Wapo" wa msanii Elibariki Emmanuel maarufu kama Nay wa Mitego.

Katibu Mtendaji Basata, Godfrey Mngereza amesema hayo leo (jumatatu) na kueleza kuwa wimbo ulioimbwa na msanii huyo usitumike kwa namna yoyote ile kwa kuwa umevunja sheria ya Sanaa.

Katibu Mtendaji Basata, Godfrey Mngereza

"Ieleweke kwamba kwa mujibu wa kifungu namba 4(L)cha sheria ya Basata namba 23 ya mwaka 1984,baraza limepewa jukumu la kusimamia kazi za Sanaa na mamlaka za kishirika kuhakikisha yote yafanyikayo katika tasnia ya Sanaa hayaachi taifa na wasanii katika hali zisizo salama, "alisema Mngereza.

Aidha Baraza limewaonya wale wote wanaotumia kazi zilizopigwa marufuku, ikumbukwe kuwa kutumia kazi zilizopigwa marufuku ni ukiukwaji wa sheria za nchi.