Simba SC yawatoa hofu mashabiki kuhusu nyasi zinazodaiwa kodi Bandarini

Klabu ya Simba SC ambayo inadaiwa kodi na Mamlaka ya Mapato Tanzania (TRA) ya nyasi za bandia ilizoingiza nchini imewatoa hofu mashabiki wa klabu hiyo kufuatia kuwepo kwa taarifa kuwa nyasi hizo zitapigwa mnada.

Katika taarifa ya Simba ambayo imewekwa katika akaunti yake ya mtandao wa kijamii wa Instagram imeelezea kuwa ni kweli wanadaiwa kodi lakini wanafanya jitihada za kulipa kodi hiyo.

Pia imewatoa hofu mashabiki huku ikiwataka waendelee kuishabikia timu yao kwa michezo iliyo mbele yao ya Ligi Kuu ya Vodacom ambapo kwa jumapili ya Aprili, 2 itapambana na Kagera Sugar.

Klabu ya Simba inakiri kudaiwa na Mamlaka ya mapato nchini "TRA" kodi za nyasi bandia na juhudi za kupata msamaha wa kodi hiyo kiuhalisia umeshindikana. Klabu inafanya juhudi zote kuhakikisha inalipa kodi hiyo kwa wakati baada ya kuomba kuongezewa muda wa kulipa na TRA, pia klabu tunaishukuru sana mamlaka hiyo kwa kutuvumilia na kutupa muda zaidi. Kwa sasa tunawaomba wanachama na washabiki wetu kujikita kwenye mechi zetu muhimu za kanda ya ziwa na kupuuza maneno ya mitandaoni yenye lengo kwa klabu yetu

A post shared by Simba SC Tanzania (@simbasctanzania) on Mar 30, 2017 at 9:25pm PDT