Tambwe afuata nyayo za Donald Ngoma

Mshambuliaji wa kimataifa raia wa Burundi, Amissi Tambwe amezifuata nyayo za Ngoma kwa kusaini mkataba wa miaka miwili kuendelea kuwatumikia mabingwa wa Ligi Kuu Tanzania Bara Young Africans.

Tambwe amekuwa mchezaji wa pili baada ya Donald Ngoma kuongeza mkataba wake uliyofanyika leo mchana jijini Dar es salaam katika ofisi zao zilizopo Jangwani, kariakoo.

Katika msimu uliyopita wa Ligi kuu Tambwe alishuka kiwango chake cha mpira kutokana na majeruhi yaliyokuwa yakimuandama japokuwa aliifungia klabu yake jumla ya mabao 10.