Messi aishauri Barcelona kumsajili beki huyu kwenye majira ya joto

Barcelona tayari wanajipanga kwa ajili ya usajili kuongeza nguvu mpya kwenye majira ya joto na kuna uwezekano mkubwa mshambuliaji wa Atletico Madrid, Antoine Griezmann akaongezeka kikosini, ambaye anakadiriwa kuwa thamani ya pauni milioni 100. Lakini Messi amemkumbusha meneja wa klabu hiyo, Bw Ernesto Valverde asisahau safu ya ulinzi kwenye majira ya joto.

Kwa mujibu wa taarifa ya Diario Gol, Lionel Messi ameishauri klabu ya Barcelona kumsajili nyota wa Bayern Munich, David Alaba kusaidia kuboresha safu yao ya ulinzi. Barcelona walihusishwa na uhamisho wa beki huyo mwaka 2016 lakini dili hilo halikutokea. Ki ukweli Real Madrid ilishuhudia ofa yao ya pauni milioni 70 ikataliwa mwaka huo. Inaaminika kwamba nyota huyo atagharimu pauni milioni 88 kwa atakayemtaka kwenye majira ya joto.

• Soma na hii - Baada ya kutolewa UEFA, Mourinho ashauriwa kumtema nyota huyu

Alaba alianza kung'ara katika klabu ya Bayern Munich na amekuwa mchezaji tegemezi wa timu hiyo tangu mwaka 2011. Anaweza kucheza kama beki wa kushoto, beki wa kati na kama kiungo mkabaji na anachukuliwa kama mmoja kati ya wachezaji bora duniani, si ajabu Messi anafikiri anaweza kuwa mtu muhimu kwa klabu yao.

David Alaba

Mapema mwezi huu, beki huyo kutoka Austria alidai kuwa anaweza kuondoka Bayern kwa ajili ya kutafuta changamoto mpya:

“Natambua kwamba siku moja itanilazimu kuamua, na bado najisikia vizuri hapa,” Alaba aliliambia gazeti la Kurier. “Lakini naweza kufikiria kupita njia tofauti, kufanya hatua nyingine au kutafuta changamoto mpya.

• Soma na hii - Bodi ya Manchester United yakiri 'kujutia' usajili wa Alexis Sanchez

“Lakini kwa sasa jambo hilo naliacha wazi. Nina malengo ambayo nataka kufikia msimu huu. Ndio maana mawazo kama hayo hayana nafasi kwa sasa.”

• Soma na hii - Wachezaji watano wanaoweza kujuta kuendelea kubaki Arsenal baada ya kufungwa kwa dirisha la usajili