Barcelona yamruhusu nyota huyu kuondoka Nou Camp

Kwa mujibu wa ripoti mbali mbali, Bacelona wamemwambia Ousmane Dembele atafute klabu nyingine mpya. Dembele alikuwa benchi wakati michezo miwili ya mwisho ambayo Barcelona imecheza kwenye Ligi ya Mabingwa, UEFA. Baadhi ya ripoti zinadai kwamba aliwekwa benchi kwenye mechi dhidi ya Inter Milan kwa sababu alichelewa kufika uwanjani kwa muda dakika 25.

Dembele ameichezea Barcelona michezo 12 msimu huu, ikiwa ni pamoja na michezo yote ya La Liga. Amefunga mabao 5 na kutoa 'assist' moja.

Dembele alijiunga na Barcelona akitokea Borussia Dortmund kwa ada ya pauni milioni 130. Hakuweza kutoa mchango wake sana kwenye msimu wake wa kwanza kwa sababu ya majeruhi. Licha ya Barca kumsajili Malcom kwenye majira ya joto, Ernesto Valverde amekuwa akimpa kipaumbele Dembele. Hata hivyo, kwa sasa, imemruhusu aondoke.

Kama ripoti hizi za Barcelona kumwambia Dembele atafute klabu nyingine ni za kweli, hivyo Chelsea na Arsenal ni miongoni mwa klabu ambazo zitakuwa na hamu ya kumsajili. Arsenal imeonyesha nia ya kutaka kumsajili winga huyo kutoka Ufaransa kwa miezi kadhaa. Pierre Emerick Aubameyang alicheza pamoja na Dembele katika klabu ya Borussia Dortmund na Arsenal hakika watatumia uhusiano wa wawili hawa kwa faida yao.

Hata hivyo, Chelsea pia wanaweza kutumia njia hiyo hiyo kwa kumwomba Olivier Giroud amshawishi.