Makonda ataja majina ya mashoga

Mkuu wa Mkoa wa Dar es salaam, Paul Makonda ameunda kamati maalum ya watu 17 itakayoshughulika na masuala ya mapenzi ya jinsia moja jijini Dar es salaam kwa kile alichokieleza ni kukomesha biashara hiyo ndani ya Mkoa wa Dar es salaam.

Mkuu wa Mkoa wa Dar es salaam, Paul Makonda ameyataja baadhi ya majina ya watu wanaodaiwa kujihusisha na mapenzi ya jinsia moja na kutangaza kuwaundia kamati ya watu 17 itakayohusisha wataalamu mbalimbali wakiwemo polisi na TCRA kushughulika na suala hilo.

Aidha majukumu ya kamati hiyo iliyoundwa na Makonda ni kushughulika na waigizaji wa filamu za ngono nchini, wamiliki wa nyumba zinazotumika kuigiza video za ngono, pamoja kuwatafuta watu wanaotumia mitandao kutapeli.

"Leo zimefika ujumbe 18972 na hawa wote wanalaani na simu zilizokuwa zinapigwa ni nyingi sana niwasihi endeleeni kutuma ujumbe ili tuendelee kukomesha biashara hiyo haramu, lakini kwenye hiyo orodha kuna majina yako 200 lakini kuna baadhi ya watu wamejirudia kwa sababu wameamua kujitangaza watu hao ni James Delicious, Dida Mtamu, Aunty Miliki, Abbasi.” Amesema Makonda

“Tumefikiria tuunde kamati, kamati itakayoshughulika na makundi manne, moja itakayojihusisha na kundi lote la mashoga, wanaojitangaza na wale wasiojitangaza lakini wanajulikana ni mashoga na nimeshapata taarifa nyumba takribani 24 wanazofanyia kazi, wanachukua wakina dada, wanawanywesha madawa na kuwafanyia vitendo hivyo wakiwarekodi”, amesema Makonda." Ameongeza Makonda

Aidha Makonda amezitaka taasisi za dini nchini, kukemea vikali vitendo hivyo na kuahidi kabla ya jumatatu kushughulikia watu waliohifadhi picha za ngono kwenye simu zao.

“Maadili ya muafrika sio haya, kwa haya tunakaribisha laana kwenye taifa, tunashangaa mambo mengi tunaomba hayaendi kumbe tunalaaniwa kwa vitendo ambavyo hakuna imani ya Kikristo wala Kiislam inayobariki mambo kama haya” ameongeza Makonda