Uhamisho wa Fellain kwenda Shandong Luneng wakamilika

Kiungo wa kati wa klabu ya Manchester United Mbelgiji Marouane Fellaini amekamilisha uhamisho wake wa kwenda nchini China Kimya kimya. Fellain amejiunga na klabu ya Shandong Luneng kutoka nchini China.

Imeelezwa klabu ya Manchester United wamefikia makubaliano na klabu ya Ligi ya Uchina Shandong Luneng juu ya uhamisho wa kiungo Marouane Fellaini.

Kwa mujibu wa taarifa ya BBC, tayari kiungo huyo raia wa Ubelgiji amepita vipimo vya kiafya lakini hijawekwa wazi amehamia Uchina kwa kiasi gani.

Fellaini, 31, alikuwa mchezaji mkubwa wa kwanza aliyesainiwa baada ya enzi ya Sir Alex Ferguson, akijiunga na Manchester Utd kwa kima cha pauni milioni 27.5 mwaka 2013 akitokea Everton.

Fellaini alitia saini kandarasi mpya ya miaka miwili Old Trafford mwezi Juni mwaka jana lakini hajawahi kukubalika na mashabiki wa United licha ya kukonga nyo za mameneja David Moyes, Louis van Gaal na Jose Mourinho.

Hata hivyo, Fellaini amecheza dakika tatu tu kwenye Ligi ya Premia katika mechi saba chini ya kocha wa muda Solskjaer.