Lionel Messi ataja golikipa bora wa dunia

Nahodha wa timu ya taifa ya Argentina, Lionel Messi akiwa na mlinda mlango wa timu hiyo, Emi Martinez

Lionel Messi amemtaja mchezaji mwenzake wa Argentina, Emi Martinez kuwa ndiye golikipa bora katika soka duniani kwa sasa.

Martinez, ambaye zamani alikuwa Arsenal, kwa sasa anachezea Aston Villa ya Ligi Kuu ya Uingereza na amekuwa na mchango mkubwa katika mafanikio ya kimataifa ya Argentina hivi majuzi.

Alikuwa mstari wa mbele kwenye mafanikio ya timu yake ya taifa ya Argentina kama mambo  yalivyoonekana katika Copa America 2021 na Kombe la Dunia la FIFA 2022. 

Akijibu swali la mwandishi wa habari, Mesii alisema, "Emiliano 'Dibu' Martinez ndiye kipa bora zaidi duniani."

Lionel Messi na wenzake sasa wanalenga kutetea taji lao kwenye Copa America 2024. Michuano hiyo itaanza Juni 20 nchini Marekani, huku Argentina ikimenyana na Canada katika mchezo wao wa kwanza.

Emi Martinez kwa mara nyingine tena atakuwa mchezaji muhimu wa timu ya Lionel Scaloni.

Martinez ni mlinda mlango mwenye uzoefu mkubwa kwenye jukwaa la kimataifa. Hadi sasa ameshacheza mechi 38 akiwa na La Albiceleste, huku akiwa amecheza mechi 28 bila kufungwa.