Tetesi za soka barani Ulaya Jumanne Tarehe 18 Juni, 2024

Brighton wameanzisha mazungumzo juu ya mkataba wa winga wa Uholanzi Crysencio Summerville mwenye umri wa miaka 22 kutoka Leeds. (Talksport)

Winga wa Uhispania Ferran Torres anasakwa na West Ham msimu huu wa joto lakini mchezaji huyo mwenye umri wa miaka 24 hataki kuondoka Barcelona . (Mundo Deportivo)

Ombi la klabu ya Tottenham kumsajili mshambuliaji wa Uingereza Ivan Toney, 28, limekataliwa na Brentford. (Football Transfers)

Fenerbahce wanavutiwa na beki wa Manchester United mwenye umri wa miaka 29 kutoka Sweden Victor Lindelof. (Sky Germany)

Klabu ya Crystal Palace itadai ada ya takriban £65m kwa mlinzi wa Uingereza Marc Guehi, 23, msimu huu wa joto. (Telegraph)

Klabu ya Atletico Madrid wanamsaka kiungo wa kati wa Chelsea na Muingereza Conor Gallagher, mwenye umri wa miaka 24. (Relevo)

Beki wa AC Milan na Muingereza Fikayo Tomori, 26, huenda akakataa ofa yoyote kutoka kwa Newcastle msimu huu.

Gallagher huenda akakataa kuhamia klabu ya Aston Villa kwa kuwa hana nia ya kujiunga na klabu hiyo. (Football Insider)

Winga wa Brazil Estevao Willian amefuzu vipimo vya afya na Chelsea , ambayo ilikubali kumsajili kinda huyo mwenye umri wa miaka 17 kutoka Palmeiras mwezi uliopita. (Standard)

Manchester City wako tayari kuingia msimu ujao bila kufanya usajili mpya isipokuwa iwapo mchezaji ataomba kuondoka. (ESPN)

Newcastle wana nia ya kumsajili winga wa Iceland Jon Dagur Thorsteinsson mwenye umri wa miaka 25 kutoka klabu ya OH Leuven ya Ubelgiji. (Chronicle Live)

Beki wa zamani wa Ujerumani Mats Hummels, 35, anakaribia kusaini mkataba wa kujiunga na Real Mallorca baada ya kuondoka Borussia Dortmund. (Diario de Mallorca)

West Ham wanatafakari iwapo watamnunua beki wa kushoto wa Uingereza Ryan Sessegnon baada ya mchezaji huyo mwenye umri wa miaka 24 kuachiliwa na Tottenham. (Guardian)

Winga wa zamani wa Uingereza Ashley Young, 38, anakaribia kukubaliana na Everton kwa kandarasi mpya. (Talksport)

Tottenham wanavutiwa na beki wa kulia wa Monaco Vanderson, mwenye umri wa miaka 22, raia wa Brazil. (Fabrizio Romano)

Mazungumzo kati ya Borussia Dortmund na kiungo wa kati wa Brighton wa Ujerumani Pascal Gross, 33, yanaendelea, ingawa hakuna makubaliano yaliyofikiwa. (Sky Germany)