Tetesi za soka barani Ulaya Jumatatu Tarehe 17 Juni, 2024

Vigogo wanne wa Ulaya wanataka kumsajili Xavi Simons wa Barcelona, ​​Liverpool wapata pigo la kukataliwa kwa ofa ya kumnunua mlinzi wa Lille Leny Yoro, na Chelsea wamesalia imara gharama yao ya mchezaji Levi Colwill.

Manchester United , Arsenal , Manchester City na Bayern Munich zote zimeonyesha nia ya kutaka kumnunua mshambuliaji wa Uholanzi na Paris St-Germain Xavi Simons, 21 . (L'Equipe)

Ofa ya Liverpool ya euro 50m (£42m) kumnunua mlinzi wa Lille Mfaransa Leny Yoro, 18, imekataliwa. (Mundo Deportivo)

Bayern Munich haijafanikiwa kukubaliana mkataba mpya na beki wa kushoto wa Canada Alphonso Davies, ambaye amekuwa akihusishwa na Real Madrid, lakini hawana mpango wa kumuuza mchezaji huyo, 23 na kumruhusu kuingia mwaka wa mwisho wa mkataba wake nao.

Jitihada za Bayern Munich kumnasa mlinzi wa Chelsea na England Levi Colwill, 21, zimegonga mwamba , huku timu hiyo ya Ujerumani ikizingatia ada yoyote ya uhamishowa nyota huyo kuwa juu sana. (Sky Sports Ujerumani)

Aston Villa pia wanawasiliana kila siku na Chelsea kuhusu kutaka kumnunua beki wao wa pembeni Ian Maatsen, 22, ambaye yuko kwenye kikosi cha Uholanzi cha Euro 2024.

Klabu ya Aston Villa inamfuatilia mshambuliaji wa Leicester Mnigeria Kelechi Iheanacho, mwenye umri wa miaka 27, anapojiandaa kuondoka The Foxes msimu huu wa joto kwa uhamisho wa bila malipo. (Football Insider)

Manchester City hawatakubali dau la chini ya pauni milioni 25 kwa mlinzi wa Ureno Joao Cancelo, 30, huku Barcelona wakiwa na nia ya kumsaini kwa mkataba wa kudumu baada ya muda wa mkopo. (Sun)

Everton wanamtazama mlinzi wa Hull City Muingereza Jacob Greaves, 23, kama anayeweza kuziba nafasi ya beki wao wa kati wa Uingereza Jarrad Branthwaite, 21, ikiwa ataondoka msimu huu wa joto. (Hull Daily Mail)

Ipswich , Southampton , Leicester na Leeds ni miongoni mwa vilabu vinavyotaka kumsajili mlinzi wa Wales na Tottenham Joe Rodon, mwenye umri wa miaka 26. (Soka London)

Klabu ya Roma wanalenga kumnunua beki wa Ujerumani Mats Hummels, 35, ambaye kuondoka kwake Borussia Dortmund kumethibitishwa. (Calciomercato)

Klabu ya Tottenham ni miongoni mwa vilabu vilivyofanya mazungumzo ya awali kuhusu kumsajili beki wa Italia na Bologna Riccardo Calafiori, 22. (CaughtOffside).

Lengo kuu la Aston Villa linasalia kukamilisha dili la kubadilishana na Juventus linalomhusisha kiungo wa kati wa Brazil Douglas Luiz, mwenye umri wa miaka 26, licha ya kuhusishwa hivi karibuni na kiungo wa kati wa Everton na Ubelgiji Amadou Onana, 22. (Fabrizio Romano)

Rais wa Inter Milan Giuseppe Marotta anasema kuwa kuongezwa kwa mkataba mpya kwa mshambuliaji wa Argentina Lautaro Martinez, 26 kumekamilika na kinachokosekana ni saini ya mchezaji huyo. (Sky Sports Italia)